茶餐廳

茶餐廳是一個娛樂十足的表現場地．老中青不同的人雲集，各式其式．可以見到老豆教仔，大佬教靚；又或者一人一部收音機，一杯奶茶加馬經；當然還有一雙一對，卿卿我我，上演時間就自行留意喇．

除了客人之外，茶餐廳的伙計亦可以是表現嘉賓．話說某星期日早上，返教會前到一間茶餐廳吃早餐．與老婆挑了一張近水吧的檯坐下來，點了餐後，回顧四周，都是普通的一天吧．我們正在用餐的時候，一個伙計與水吧裡的同事一句兩句的，越說越大聱：

伙計：有冇落錯柯打？
水吧：張單你落個wor.
伙計：無架，明明係咁寫．

　中間一段已經不太記得，只是水吧裡的人兄按捺不住的說

水吧：不如咁話，讚書唔成，就學校既錯；
　　　搵唔到工，就社會既錯；
　　　識唔到女朋友，就人地個女既錯；
　　　結唔到婚，就女朋友既錯；
　　　生唔到仔，就老婆既錯；
　　　好喇，有左仔，父慈子唔孝，一定係個仔錯；
　　　賭馬唔贏，就馬會既錯；
　　　返工落錯柯打，就水吧既錯；
　　　你成世人都冇錯，
　　　唯一錯既，說係信錯左我靚仔文．
伙計：係係係，你話點就點．
　話畢只見伙計好無奈的行開，繼續錯柯打

當時正正對著他們的我倆，忍笑忍得好辛苦，真怕連口裡的餐蛋也嘖出來．水吧說的又不是沒有道理，環看今日的香港，各人不是有不同的埋怨，說是”人地”的錯．只是在位很高的人，特別聽不入耳．

進入8強

阿仙奴入8強，郎拿度唔老黎到頭頂出煙？

原本BBC的capture 是：
Ronaldo shows the strain as Arsenal steam through against Real Madrid

終於到手

昨日在沙田大會堂終於拿到今年國際電影節的programme．想當年programme一到手時，就立即坐在文化中心的門外，好像sem頭要砌time table一樣，如何減少時間衝突而可以睇到更多片．今時今日已經不可以好像讀書時請大假睇戲．即使有<<影癡通行證>>的出現，但覺得都是太貴．而且開幕電影、頒獎禮之夜、閉幕電影及「現代萬歲─光藝的都市風華 」又要再買飛．

一早起床，見到廚房的架上有一支Rhaposody of Herbs 的oliver oil．本來是想search一下友支油的用法，其中一種ingredient 是basil，所上Yahoo search，可是我見到的其中一個basil的website，（自己睇下basil的故事）再click下去的時候發現有關電影節的link，原來是<<香港國際電影節網上筆記連線>>，到最後都是回到電影節的懷抱中．記得有一年無錢睇戲，在大會堂拿到programme，上電車由中環睇到太古城，先睇英文介紹，回頭再睇中文，不過多年的經驗，中文和英文可以是牛頭不對馬嘴！亦讀過一篇文章，就電影節programme的intro都是找義工，都唔可以批評太多．老實講，以前市政局到康文處，再發展到電影節獨立自組公司，由始到終都是＄＄＄．．．

說到電影節的programe, 見到別人blog上的留言，可知到現在，大家如何看programme的intro.

又到三月...

不單只是主耶穌的復活節，亦是一年一度的香港國際電影節。打從from 3開始買飛入場睇<<跛豪>>，又因為年齡的緣故，當年不能欣賞到<<籠民>>；好像是因為太多粗口的對白而列為三級片吧。再到讀U時的巔峰時期，一日走三場3鐘先到大會堂，之後趕船到太空館睇5點場，最後要由尖沙咀碼頭飛巴士過科學館，分分鐘鐘食飯都食唔切．同一屆睇２０幾場．

不過一切都過去了，畢業後也不能這樣放大假，而且戲飛相比下也貴了．

今年還未拿到節目場刊，希望一些驚喜的電影．